Oğuz Rayon Mərkəzi Xəstəxanasında 28 May - Müstəqillik Günü ilə əlaqədar tədbir keçirilib.
Xəstəxanadan Aztibb.az-a bildirilib ki, tədbiri giriş sözü ilə açan Oğuz RMX-nın inzibati işlər üzrə müavini İradə Məmmədova Müstəqillik Gününün tariximizin ən mühüm hadisələrindən biri olduğunu söyləyib. Şərqdə yaranmış ilk demokratik respublikanın mövcud olduğu 23 ay ərzində əldə edilmiş nailiyyətlərdən danışıb.
O, Azərbaycan Xalq Cümhuriyyəti dövründə ana dilimizin dövlət dili kimi təsis olunması və dövlət rəmzlərimizlə bağlı mühüm tarixi qərarların imzalanması və dövlət quruculuğu istiqamətində digər mühüm addımların atılması kimi tədbirləri diqqətə çatdırıb. İ.Məmmədova, həmçinin Azərbaycanın dövlət müstəqilliyinin 30 il əvvəl bərpa edilməsini xalqımızın tarixində böyük hadisə kimi qiymətləndirərək, müstəqilliyimizin qorunub saxlanmasında Ulu Öndər Heydər Əliyevin müstəsna xidmətlərindən danışıb.
Daha sonra xəstəxananın Aptek bölmə müdiri Çinarə Alxaslı, Yoluxucu xəstəliklər şöbəsinin müdiri Gülzar İbrahimova çıxış edərək Azərbaycan Xalq Cumhuriyyətinin qısa müddətli fəaliyyətindən bəhs ediblər.
