Uzman həkim qeyd edib ki, stress, beyində amiqdala adlanan hissənin yüksək aktivliyi nəticəsində ortaya çıxır. Bu da ürək xəstəlikləri və insult riskini artırır.

 

"Kişilər stressə daha meyilli olurlar. Siqaret çəkən kişilərdə testosteron hormonu çoxalır, bu da ürək və damar sisteminə ziyandır. Qadınlarda isə bu hormon əksinə, qan-damar xəstəliklərinin qarşısını alır. Qadınlarda klimaks dövründə estrogen hormonu azaldıqca ürək xəstəlikləri baş qaldırır", - deyə Cabir Gülmalıyev bildirib.

 

Onun sözlərinə görə, ürəyin sağlamlığını qorumaq istəyən insan özünü stressdən, həyəcandan qorumalıdır. Fiziki aktivlik stressin ürəyə olan təsirini azaldır. Kifayət qədər yuxu və istirahət ürək sağlamlığı üçün çox vacibdir.