Anemiya - qanın vahid həcmində hemoqlabinin miqdarının azalmasıdır ki, bu da öz növbəsində orqanizdə olan qanın azalmasına gətirib çıxarır.

Bu barədə Aztibb.az-a Liv Bona Dea Hospitalının həkimi, tanınmış ürək-damar cərrahiyyə uzmanı Cabir Gülmalıyev məlumat verib.

Həkim anemiya zamanı şikayətləri sadalayıb:
Taxikardiya
Təngənəfəslik
Rəngin avazıması
Başgicəllənmə
Baş ağrıları
Yorunluq
Tərləmə
Qulaqda küy
Nəbzin zəifliyi və tezləşməsi

Onun sözlərinə görə, qanazlığı ürək-damar sisteminə çox mənfi təsir edir. Ürək əzələsi (miokarda) vaxtından tez zəifləyir, qocalır.

C.Gülmalıyev bildirib ki, anemiya ürək xəstəliklərinin əksəriyyətində rast gəlinir və xəstəliyin gedişini ağırlaşdırır. Ağır anemiya xroniki ürək çatışmazlığının səbəblərindən biridir. Qanazlığı xroniki ürək çatışmazlığı xəstələrində mövcud simptomları artırmaqla yanaşı, həyat keyfiyyətinin aşağı salır və ölüm riskini 2 dəfə artırır.