İcbari Tibbi Sığorta üzrə Dövlət Agentliyinin “Azərbaycanda icbari tibbi sığorta mexanizmlərinin gücləndirilməsi (2-ci faza)" tvinninq layihəsi çərçivəsində Litva nümayəndə heyəti Azərbaycanda səfərdədir.

 

Səfər çərçivəsində layihənin ekspertləri Vyachelsvas Zaksas, Lina Norikene, Evelina Galciute, eləcə də TƏBİB-in Sığorta işinin təşkili şöbəsinin müdiri Fatiq Həsənov və Agentliyin Beynəlxalq əlaqələr departamentinin aparıcı məsləhətçisi Nigar Rüstəmovadan ibarət heyət Xətai Tibb Mərkəzində olub.

 

Bu barədə Aztibb.az-a Xətai Tibb Mərkəzindən xəbər verilib.

 

Nümayəndə heyətini mərkəzin direktoru Ələkbər Tağıyev qarşılayıb, sığortanın təşkili ilə bağlı qonaqları məlumatlandırıb və onları maraqlandıran suallara cavab verib.

 

Tərəflər sığortanın təşkili barədə fikir mübadiləsi aparıblar.

 

Sonda qonaqlar mərkəzdə tətbiq olunan sığorta sistemi ilə yerindəcə tanış olmaq üçün müəssisəni ekskurs ediblər.