M.V.Lomonosov adına Moskva Dövlət Universitetinin (MDU) Bakı filialının Fizika fakültəsinin III kurs tələbələri Elm və Təhsil Nazirliyinin Biofizika İnstitutunda istehsalat təcrübəsi keçirlər.

Bu barədə Aztibb.az-a Biofizika İnstitutundan məlumat verilib.

Bildirilib ki, təcrübənin ilk günündə institutun Biomolekulların strukturu, dinamikası və funksiyası laboratoriyasının aparıcı elmi işçisi, dosent Rasim Aslanov tərəfindən tələbələrə elmi müəssisənin strukturu, yaranma tarixi, əsas fəaliyyət istiqamətləri, burada fəaliyyət göstərən laboratoriyalarda aparılan elmi-tədqiqat işləri, müasir avadanlıqların iş prinsipi barədə geniş məlumat verilib.

Qeyd edək ki, təcrübə müddəti may ayının 22-də yekunlaşacaq.