Abbas Səhhət adına xəstəxanada Gəncə Şəhər Birləşmiş Xəstəxanasının (ŞBX) rəhbər heyətinin “Fövqəladə hadisələrin nəticələrinin aradan qaldırılması zamanı idarəetmənin təşkili” mövzusunda mülki müdafiə (MM) məşqi keçirilib.

 

Gəncə ŞBX-dan Aztibb.az-a verilən xəbərə görə, məşqdə FHN-nin Gəncə Regional Mərkəzinin Mülki müdafiə şöbəsinin əməkdaşları iştirak ediblər.

 

Məşqin keçirilməsində məqsəd rəhbər heyətin və MM qüvvələrinin fövqəladə hadisələr zamanı fəaliyyət göstərməyə hazırlıq səviyyəsini müəyyən etmək, işçilərin fövqəladə hadisələr zamanı davranış qaydaları üzrə biliklərini artırmaqdır. Eləcə də MM sahəsində normativ sənədlərin tələblərinə əməl olunmasının və MM idarəetmə orqanlarının fövqəladə hallar üzrə komissiyalarının fövqəladə hadisələrin nəticələri aradan qaldırılarkən xilasetmə və digər təxirəsalınmaz işlərin təşkili və operativ olaraq yerinə yetirilməsi üzrə praktiki vərdişlərin aşılmasıdır.