TƏBİB-in tabeliyindəki Qazax Müalicə Diaqnostika Mərkəzində 12 May - Beynəlxalq Tibb Bacısı Günü münasibəti ilə tədbir keçirilib.

Mərkəzdən Aztibb.az-a bildirilib ki, tədbirdə çıxış edən müəssisənin direktoru Kamandar İbrahimov əlamətdar günün yaranma tarixindən danışıb. O, tibb bacılarının müalicə müddətində xəstələrlə ən çox ünsiyyətdə olan, həkimin göstərişlərini yerinə yetirən peşə sahibləri olduğunu bildirib. Direktor bu gün münasibətiylə tibb işçilərini təbrik edib.

Sonra çıxış edənlər Mərkəzin həkim-cərrahı Arif Əfəndiyiv və baş tibb bacısı Səbinə Budaqova Azərbaycan səhiyyəsində iz qoyan şəhid tibb bacılarından söz açıblar.

Tədbirin sonunda iş fəaliyyətində fərqlənən tibb işçiləri təltif olunublar.