Rəfael Həsənov qeyd edib ki, POEM ümumi anesteziya altında tətbiq olunur. Bu prosedurda endoskopla ağızdan girilir, yemək borusuna və mədəyə doğru gedilir. Daha sonra qida borusunda ilk qat olan mukozanın altındakı 2-ci qat olan submukozaya bir tunel açılır və qida borusunun alt ucundan 2 sm aşağıyadək gedilir. Tunel yaradıldıqdan sonra qida borusundakı əzələlər kəsilir və mukozal defekt bağlanılır və prosedur başa çatdırılır.