Bir araşdırmaya görə, uşaqlıqda cinsi ayrı-seçkilik beynin hissələrini nazikləşdirə bilər.

Aztibb.az-ın medimagazin.com.tr-yə istinadla xəbərinə görə, dünyanın müxtəlif ölkələrindən nevroloqlar, psixoloqlar və psixi sağlamlıq mütəxəssisləri də daxil olmaqla elm adamları uşaqlıqda cinsiyyətlərinə görə fərqli münasibət və davranışlara məruz qalan qadınların beyninə cinsi ayrı-seçkiliyin mümkün təsirlərini araşdırıblar.

Araşdırmada, 29 ölkədən MRT (Maqnit Rezonans) olan 7 min 876 adamın sağlamlıq məlumatları araşdırılıb.

Məlumatları təhlil edilən insanların sosial vəziyyəti və akademik mənşəyi nəzərə alınmaqla, tədqiqatda öz ölkələri ilə bağlı qadınlar arasında gender ayrı-seçkiliyinin dərəcəsini təsvir etmək üçün istifadə edilən bərabərsizlik göstəriciləri də müzakirə edilib.

Belə nəticəyə gəlinib ki, bərabərsizlik göstəricisi yüksək olan ölkələrdən olan qadınların üç beyin bölgəsi bərabərsizlik göstəricisi aşağı olan ölkələrin qadınlarından daha nazikdir.

Bərabərsizlik göstəricisi artdıqca beynin sözügedən hissələrinin incəlməsinin artdığını qeyd edən araşdırmanın nəticələri “Proceedings of the National Academy of Sciences” jurnalında dərc olunub.