Çorum Hitit Universitetində həyata keçirilən "Yenilənə bilən biokütlədən selüloz və qrafen qatqılı PLA bioplastiklərinin istehsalı" layihəsi çərçivəsində kanserogen olmayan və bioloji parçalana bilən plastik material hazırlanıb.

Aztibb.az medimagazin.com.tr-yə istinadla bildirir ki, layihə çərçivəsində dosent Filiz Boranın rəhbərliyi altında 1,5 illik Ar-Ge və laboratoriya işlərindən sonra sənayedə, xüsusilə qida və oyuncaq sektorunda istifadə olunan plastiyi əvəz edə biləcək xammal hazırlanıb.

Yeni məhsulda "möcüzə materialı" olaraq xarakterizə edilən qrafendən istifadə etdiklərini bildirən F.Boran, istehsal etdikləri xammalın həm 3D printerlərdə, həm də inyeksiya qurğularından istifadə edilərək sənaye müəssisələrində kütləvi istehsalda istifadə oluna biləcəyini vurğulayıb.

Türkiyədə qrafen əsaslı xammal istehsalının olmadığını qeyd edən Boran, Türkiyədə ilk dəfə daha ucuz və yerli istehsalın həyata keçirilməsini təmin etdiklərini bildirib.