Bakı Baş Səhiyyə Mərkəzinin tabeli tibb müəssiələrində Ümummilli Lider Heydər Əliyevin anadan olmasının 100 illik yubileyinə həsr edilən “Təbiəti də sağaldaq” devizi ilə başlamış ağacəkmə aksiyası digər tibb müəssisələrinin də ərazilərində davam etdirilib.

Mərkəzdən Aztibb.az-a verilən məlumata görə, mərhələli şəkildə bütün tabeli tibb müəssisələrinin qoşulduğu bu aksiyanın əsas məqsədi insanların diqqətini təbiətin qorunmasına, ətraf mühitin mühafizəsinə, yaşıllıq zolaqlarının genişləndirilməsinə töhfə vermək və ekoloji mədəniyyəti təbliğ etməkdir.

Tabeli tibb müəssisələrinin şəxsi heyətinin iştirakı ilə keçirilən ağacəkmə aksiyasında tibb müəssisələrinin yerləşdiyi ərazilərdə iqlim şəraitinə uyğun yüzlərlə dekorativ və meyvə ağacları, gül kolları əkilib, yeni əkilmiş ağaclara aqrotexniki qulluq göstərilib, ağaclar suvarılıb və gələcək mühafizəsi məqsədilə zəruri tədbirlər görülüb. Eyni zamanda, quru ağaclar budanaraq ümumi sanitar-təmizlik işləri görülüb.