Mayın 8-i Beynəlxalq Qızıl Xaç və Qızıl Aypara Günüdür.
Aztibb.az xəbər verir ki, 1953-cü ildən qeyd olunan Ümumdünya Qırmızı Xaç və Qızıl Aypara Hərəkatı Günü 1828-ci il mayın 8-də anadan olmuş isveçrəli ictimai xadim, Nobel Sülh mükafatı laureatı Anri Dünanın şərəfinə təsis edilib.
Beynəlxalq Qırmızı Xaç və Qırmızı Aypara Hərəkatı dünya üzrə təxminən 97 milyon nəfər könüllünü, üzvü və işçi heyəti əhatə edən beynəlxalq humanitar hərəkatdır. Bu hərəkat insan həyatı və sağlamlığını qorumaq, bütün insanlara hörməti təmin etmək məqsədi ilə yaradılıb.
Hazırda dünyanın 190 ölkəsində, o cümlədən Azərbaycanda Beynəlxalq Qırmızı Xaçın əməkdaşları və könüllüləri fəaliyyət göstərir. Eyni zamanda, bu beynəlxalq struktur və Azərbaycan hökuməti arasında əməkdaşlıq yaxşı əsaslar üzərində qurulub.