Ümumilli Lider Heydər Əliyevin və akademik Zərifə Əliyevanın 100 illik yubileyləri ilə bağlı Milli Oftalmologiya Mərkəzi və Şamaxı Rayon Mərkəzi Xəstəxanasının birgə təşkilatçılığı ilə tibbi aksiya və konfrans keçirilib.

Bu barədə Aztibb.az-a Səhiyyə Nazirliyindən məlumat verilib.

Aksiyada şəhid ailələri, müharibə veteranları, aztəminatlı ailələrdən olan şəxslər iştirak ediblər.

Müasir avadanlıqlar vasitəsilə pasiyentlərin kompleks şəkildə göz müayinəsi aparılıb, görmə itiliyi, göz təzyiqi, göz dibi xəstəlikləri yoxlanılıb və onlara müvafiq olaraq müalicələr təyin olunub.

Aksiya çərçivəsində 68 nəfər müayinə edilib. 68 nəfərdə refraksiya patologiyası aşkar olunub. Müayinələr əsasında retinopatiya, presbiopiya, miopik astiqmatizm, allergik konyunktivit, quru göz sindromu və s. diaqnozlar aşkarlanıb.