Aztibb.az-a Universitetdən bildirilib ki, görüşdə professor Gəray Gəraybəyli qardaş Türkiyənin bu ağır günləri geridə qoyduğunu və türk xalqının tezliklə gücünü toplayıb ayağa qalxacağına inandığını bildirib: “Zəlzələdən sonra biz indiyədək görmədiyimiz ağır günləri yaşadıq. On minlərlə insan evsiz-eşiksiz qaldı, günlərlə aclıq keçirdi. Amma ən çətini əzizlərimizi itirməyimiz idi”.

G.Gəraybəyli “Təbabətin aktual problemləri – 2023” beynəlxalq elmi-praktik konqresinin fəxri qonağı olan professor Sezai Yılmaza ATU üçün əlamətdar olan günü paylaşdığına və tədbirdə iştirakına görə təşəkkürünü bildirib.

 

Professor Sezai Yılmaz həmin günlərdə Türkiyənin yanında olan, ilk köməyə gələn Azərbaycan xalqına və rəhbərliyinə təşəkkür edib. Qonaq, həmçinin ATU-da keçirilən “Təbabətin aktual problemləri – 2023” beynəlxalq elmi-praktik konqresinin əhəmiyyətini vurğulayaraq, tədbirin işinə uğurlar arzulayıb.

 

Görüşdə ATU-nun elmi işlər üzrə prorektoru, professor Rauf Bəylərov, Beynəlxalq əlaqələr üzrə prorektor, dosent Orxan İsayev, mətbuat xidmətinin rəhbəri Günel Aslanova iştirak ediblər.

 

Qeyd edək ki, professor Sezai Yılmaz Səhiyyə Nazirliyi və ATU-nun təşkilatçılığı ilə Ulu Öndər Heydər Əliyevin anadan olmasının 100 illiyinə həsr olunmuş “Təbabətin aktual problemləri – 2023” konqresi çərçivəsində Bakıda səfərdədir.