Şəhid anası, Lerik rayon sakini, 1953-cü il təvəllüdlü İbadova Elmira Miri qızı TƏBİB-in tabeliyində olan M.Ə. Mirqasımov adına Respublika Kliniki Xəstəxanasına uzun müddətdir əziyyət çəkdiyi kəskin tənəffüs yetməzliyi, aşağı ətraflarda ödem, sidik ifrazının olmaması kimi şikayətlərlə vəziyyəti ağır olaraq müraciət edib.

Xəstəxanadan Aztibb.az-a bildirilib ki, Endokrinologiya şöbəsinin müdiri Aynur Hümbətova Elmira İbadovanı müayinə edərək xəstəyə şəkərli diabetin 2-ci tip ağır forması, ürəyin xroniki işemik xəstəliyi, stend implantasiyasından sonrakı vəziyyət, durğunluq ağciyəri, diabetik nefropatiya, xroniki böyrək çatışmazlığı diaqnozlarını qoyub.

Endokrinologiya şöbəsində 12 gün ərzində aparılan konservativ müalicə üsulu ilə xəstənin səhhətində müsbətə doğru dəyişikliklər qeydə alınıb.

Şəhid anası ona göstərilən diqqət və qayğıya görə Respublika Kliniki Xəstəxanasının rəhbərliyinə, Endokrinologiya şöbəsinin müdiri Aynur Hümbətovaya və həmin şöbənin əməkdaşlarına minnətdarlığını bildirib.

Qeyd edək ki, Elmira İbadovanın oğlu I Qarabağ müharibəsi şəhidi İbadov Sarvan Bayram oğlu 1973-cü ildə Lerik rayonunun Tatonu kəndində anadan olub. 1993-cü ildə Ağdam uğrunda gedən döyüşlərdə şəhidlik zirvəsinə ucalıb.