"Həkimlərimizi tanıyaq!" rubrikamızda Nərimanov Tibb Mərkəzinin həkim-oftalmoloqu Fatma Maayeva haqqında məlumatları təqdim edirik.

Fatma Ramazan qızı Maayeva 2003-cü ildə orta məktəbi fərqlənmə atestatı ilə bitirərək Azərbaycan Tibb Universitetinin Müalicə profilaktika fakultəsinə daxil olub və 2009-cu ildə universiteti qırmızı diplomla bitirib. 2009-2010-cu illərdə oftalmologiya üzrə Zərifə Əliyeva adına Milli Oftalmologiya Mərkəzində internatura keçib.

O, 2010-2014-cü illərdə Xızı Rayon Mərkəzi Xəstəxanasında həkim-oftalmoloq vəzifəsində çalışıb.
2014-2017-ci illərdə Zərifə Əliyeva adına Milli Oftalmologiya Mərkəzinin Gözün Yolxucu Xəstəlikləri və Buynuz Qişa Cərrahiyəsi şöbəsində işləyib.
2019-cu ildən Nərimanov Tibb Mərkəzində həkim-oftalmoloq kimi fəaliyyət göstərir.