TƏBİB-in tabeliyindəki Sumqayıt Tibb Mərkəzinin (STM) direktoru Səkinə Sadıxova 1 nömrəli Şəhər Xəstəxanasında olub.

STM-dən Aztibb.az-a bildirilib ki, o, tibb müəssisəsinin Təcili yardım şöbəsində yaradılan şəraitlə tanış olub, personalla söhbət edib.

Direktor təcili yardım şöbəsinin pasiyentlərə ilkin yardım göstərilməsində mühüm əhəmiyyət kəsb etdiyini bildirib. S.Sadıxova xidmət keyfiyyətinin artırılması ilə bağlı müvafiq tapşırıqlarını verib.

Qeyd edək ki, əhalinin ən çox müraciət etdiyi tibb ocağı olan 1 nömrəli Sumqayıt Şəhər Xəstəxanası 1967-ci ildən fəaliyyət göstərir və 2013-cü ildə yenidən qurulub. Çoxprofilli xəstəxana 360 çarpayılıqdır.