Azərbaycan Respublikası Dövlət Gömrük Komitəsinin Tibbi Xidmət İdarəsinin rəis müavini, t.ü.f.d., dosent İsmayıl Əfəndiyev, Mərkəzi Gömrük Hospitalının Təcili Tibbi Yardım şöbəsinin rəisi Nərgiz Kərimova və həmin şöbənin təcili yardım həkimləri Racu Nəbiyev və Leyla Fətullayeva 28-30 aprel 2023-cü il tarixlərində keçirilən Formula 1 Azərbaycan Qran-Prisində yarışlarında könüllülər qismində iştirak ediblər.

Bu barədə Aztibb.az-a Gömrük Hospitalından məlumat verilib.

2016-cı il debütündən bəri dünya F1 azarkeşlərinin sevimlisinə çevrilən Bakı Şəhər Halqası F1 tarixində ən yaddaqalan və dramatik yarışlara ev sahibliyi etməklə, dünyanın aparıcı F1 pilotlarını sınaq qarşısında qoyur.

Yüksək sürətdə keçən yarışda ehtiyac olduqda F1 pilotlarına vaxtında dünya standartlarına uyğun təcili və təxirəsalınnaz tibbi yardım göstərmək xüsusi aktuallıq kəsb edir.