TƏBİB-in tabeliyindəki Saatlı, Salyan, Oğuz, Qəbələ, Tovuz, Xaçmaz, Füzuli, Şəmkir, Beyləqan, Gədəbəy, Lənkəran, Naftalan, Daşkəsən rayon mərkəzi xəstəxanaları və b. tibb müəssisələri tərəfindən Dünya İmmunlaşdırma Həftəsi ilə əlaqədar maarifləndirmə tədbirləri həyata keçirilib.
Bu barədə Aztibb.az-a TƏBİB-dən məlumat verilib.
Tədbirlər çərçivəsində vaksinasiyadan kənarda qalan uşaqlar Dünya İmmunlaşdırma Həftəsi ərzində peyvəndlərə cəlb edilib. Valideynlərə tibb müəssisələrinin həkim-mütəxəssisləri tərəfindən peyvəndlərin vacibliyi və təhlükəsizliyi barədə geniş məlumatlar verilib.
Unutmayaq ki, peyvəndlər hər il milyonlarla insanı xəstəlikdən, əlillikdən və ölümdən xilas edir.
Körpələri və uşaqları profilaktik peyvəndlər təqviminə uyğun peyvənd etdirməklə təhlükəli xəstəliklərdən qoruya bilərik.
