TƏBİB-in İcraçı direktorunun müşaviri Pərvin Əkbərov aprelin 24-25-də Praqada keçirilən Onurğa Dekompressiyası üzrə Mütəxəssislərin toplantısında iştirak edib.

Aztibb.az-a TƏBİB-dən bildirilib ki, toplantıda 30-dan çox ölkədən nümayəndə iştirak edib.

Tədbirin ilk günündə uzun illər Onurğa dekompressiyası (spinal dekompression) tətbiqi ilə məşğul olan ekspretlərin disskusiyyası, təcrübə mübadiləsi keçirilib. Diskusiyalarda mütəxəssislər çap etdikləri tibbi məqalələr, pasiyentlərdə mürəkkəb yanaşmalar barədə fikir mübadiləsi aparıblar, təqdimatlarla çıxış ediblər.

Tədbirin 2-ci günü "BTL Medical İnternational" şirkətinin tibbi avadanlıqlar istehsal edən zavoduna, labaratoriyalarına baxış keçirilib.

Qeyd edək ki, "BTL Medical İnternational" şirkətinin dünyanın 75-dən çox ölkəsində ofisi mövcuddur.

Tibbi, eləcə də robotik avadanlıq və cihazların istehsal prosesi, işləmə mexanizmi, test mərhələsi, yerində tanışlıq ekspertlər üçün də maraqlı təcrübə olub.

Tanışlıq prosesində ekspertlərin fikirləri dinlənilib, gələcəkdə tibbi texnologiyaların istehsalında onların fikirlərinin nəzərə alınacağı bildirilib.

Pərvin Əkbərov 8 mindən çox pasiyentə tətbiq etdiyi müalicə metodologiyası, 14 illik təcrübəsi ilə toplantıda iştirak edən mütəxəssislər arasında ilk sırada qərarlaşıb.

Qeyd edək ki, spinal dekompression sistemi ilə bel və boyun yırtığı olan xəstələrin əməliyyatsız müalicəsi uğurla həyata keçirilir.