Aztibb.az-a Nazirlikdən bildirilib ki, konfransdan öncə tədbir iştirakçıları Ümummilli Lider Heydər Əliyevin heykəli önünə gül dəstələri qoyaraq, dahi şəxsiyyətə hörmət və ehtiramlarını bildiriblər.

 

Tədbir Dövlət Himninin səsləndirilməsi ilə başlayıb. Daha sonra Ulu Öndər Heydər Əliyevin, akademik Zərifə xanım Əliyevanın və Azərbaycanın ərazi bütövlüyü uğrunda canını qurban vermiş şəhidlərin əziz xatirəsi bir dəqiqəlik sükutla yad edilib.

 

Konfransda çıxış edən kollecin direktoru Mehman Rzayev, YAP Gəncə şəhər təşkilatının sədr müavini Nürəddin İbrahimov və digərləri qeyd ediblər ki, akademik Zərifə Əliyeva özünün çoxillik fəaliyyəti dövründə neçə-neçə gözə şəfa bəxş edib, ən ağır, mürəkkəb əməliyyatlar aparıb, görmə qabiliyyəti zəif olanların, yaxud tamamilə görməyənlərin qaranlıq dünyasını işıqlandırıb. Həmçinin Zərifə Əliyeva Ulu Öndər Heydər Əliyevin ömür-gün yoldaşı kimi həmişə ona arxa-dayaq olub, xalqımıza layiqli övladlar yetişdirib.

 

Tədbir ədəbi-bədii kompozisiya ilə davam edib.