Respublika Neyrocərrahiyyə Xəstəxanasının həkim-neyrocərrahları Azer Zeynalov və Şamil Tahirov Avstriyanın Vyana şəhərində “Neyrotravma Müalicə Simulyasiya Mərkəzi” kursunda iştirak ediblər.

Aztibb.az-a Xəstəxanadan verilən xəbərə görə, kursun məqsədi multidisiplinar komanda işi və uzunmüddətli təqibin əhəmiyyəti, ilkin və ikinci dərəcəli missiyalar üçün havadan xilasetmə sistemi (avadanlıq, heyət, logistika), travmatik beyin zədəsi zamanı xəstəxanaya qədər tibbi yardım, kəllə beyin travmalarından sonrakı reabilitasiya barədə məlumatlılığın artırılması olub.