Nizami Tibb Mərkəzində mərkəzin direktoru Eldar Abbasov və YAP Nizami rayon təşkilatının sədri Ramil Vəlibəyovun iştirakı ilə toplantı keçirilib.
Aztibb.az-a Mərkəzdən verilən xəbərə görə, tədbirdə Eldar Abbasov Ümummilli Lider Heydər Əliyevin tibb sahəsinə və tibb işçilərinə diqqət və qayğısından danışıb.
YAP Nizami rayon təşkilatının sədri Ramil Vəlibəyov da öz növbəsində təşkilatın Nizami rayonu üzrə gördüyü işlər və qarşıda duran məsələlər haqqında məlumat verib.
Daha sonra toplantı iştirakçılarının səsverməsi yolu ilə Nizami Tibb Mərkəzi üzrə YAP sədri 7 nömrəli doğum evinin rəhbəri-direktor müavini Vəfa Hüseynzadə, sədr müavini isə Nizami Tibb Mərkəzi Dəstək xidmətləri şöbəsinin müdiri Samir Məmmədov seçiliblər.
YAP-a yeni üzv olan işçilərə vəsiqələr təqdim olunub.
