Azərbaycan Tibb Universitetinin Tədris Cərrahiyyə Klinikasının Ürək kateterizasiyası və angioqrafiya laboratoriyası yeni cihazla təmin olunub.
Klinikadan Aztibb.az-a bildirilib ki, FFR (Fraksiyalı Cərəyan Ehtiyatı) adlandırılan bu cihaz kardioloqların işinin xeyli yüngülləşməsinə səbəb olacaq.
Bu barədə adıçəkilən laboratoriyanın müdiri, dosent Qalib İmanov məlumat verərək, FFR cihazının özəlliklərini diqqətə çatdırıb: “Bu cihazla stent qoyulmamışdan öncə ürək damarlarında darlığın səviyyəsini ölçmək mümkün olur. Bəzən pasiyentlərdə orta səviyyəli darlıqlara rast gəlirdik. Ora stend qoyulmasında qərar verməyə çətinlik çəkirik. Yəni, bu cihaz vasitəsilə damarlarda darlığın ciddiliyini və həmin daralmaya müdaxilə etməyin mümkün olub-olmadığını asanlıqla müəyyənləşdirəcəyik”.
