Aztibb.az "Həkimlərimizi tanıyaq!" rubrikasında peşəkar səhiyyə işçilərini tanıtmaqda davam edir. 

Rubrikamızda bu dəfə Respublika Neyrocərrahiyyə Xəstəxanasının həkim-neyrocərrahı Nazim Verdiyev haqqında məlumatları diqqətinizə çatdırırıq.

O, 10 noyabr 1949-cu il tarixində anadan olub. 1974-cü il tarixində Azərbaycan Tibb Universitetinin Müalicə işi fakültəsini bitirib. 1974-1975-ci illərdə 3 saylı Şəhər Klinik Xəstəxanasında neyrocərrahiyyə ixtisası üzrə internatura keçib.

Nazim Verdiyev 1976-1985-ci illərdə Mirqasımov adına Respublika Klinik Xəstəxanasında həkim-neyrocərrah kimi fəaliyyətə başlayıb. 1985-ci ildən səhiyyə nazirinin əmrinə əsasən Respublika Neyrocərrahiyyə Xəstəxanasında həkim-neyrocərrah vəzifəsinə təyin olunub. 1990-cı ildən xəstəxanada Baş-beyin neyrocərrahiyyə şöbəsinin müdiri vəzifəsində çalışır.

Həkim 2012-ci il tarixində Azərbaycan Respublikasında səhiyyə sahəsində səmərəli fəaliyyətinə görə “Tərəqqi” medalı ilə təltif olunub.
 

Nevroloq fəqərəarası disk yırtıqları, spondilolistez, spinal stenoz, osteoparoz, bel-boyun ağrıları, fəqərə sütunu travmaları, spinal şişlər, mərkəzi və periferik sinir sistemi xəstəliklərinin müalicəsi ilə məşğuldur.