ABŞ-da “Qlobal Sağlamlıq” konfransı və sərgisi işə başlayıb.
Aztibb.az-a TƏBİB-dən bildirilib ki, Səhiyyə İnformasiya və İdarəetmə Sistemləri Cəmiyyəti (Healthcare Information and Management Systems Society – HIMSS) tərəfindən keçirilən tədbirdə TƏBİB-in İcraçı direktoru Vüqar Qurbanov, İcraçı direktorun müavini Araz Nəsirov, İcbari Tibbi Sığorta üzrə Dövlət Agentliyinin (Agentlik) İnformasiya Texnologiyaları və İnnovasiyalar İdarəsinin rəhbəri Ramil Mehdiyev, Maliyyə departamentinin rəhbəri Rasim Həsənov və Beynəlxalq əlaqələr departamentinin rəhbəri Ruslan Abdullayev iştirak edirlər.
TƏBİB-in və Agentliyin nümayəndələri səfər çərçivəsində HIMSS-in Beynəlxalq analitika üzrə vitse-prezidenti Ronan O'Konnor, Əməliyyatlar üzrə baş direktor Meir Hakkak və Strateji əlaqələr üzrə direktor müavini Loida Lleonart ilə görüşüblər.
HIMSS-in ənənəvi olaraq hər il keçirdiyi “Qlobal Səhiyyə” konfransı və sərgisi 100-ə yaxın ölkədən 40 mindən çox iştirakçını bir araya gətirir. Bu il təşkil olunan tədbirdə 10-a yaxın ölkədən hökumət nümayəndələri iştirak edir.
