Diabet xəstələrinin qidalanmasında yağlar vacib və mübahisəli məsələdir. Şəkər xəstələrinin ehtiyacı olduğu enerjinin 30%-i yağlardan gəlməlidir. Yəni, "şəkər xəstələri mütləq yağsız yemək yeməlidir" düşüncəsi düzgün deyil. Əksinə zeytun, zeytun yağı, fındıq yağı, qoz kimi yağ mənbələri lipid quruluşunu tənzimləyir. Ancaq miqdarı da çox vacibdir; yeməyə həddindən çox zeytun yağı əlavə etmək, ovuc-ovuc çərəzlər yemək olmaz. Ətli tərəvəzli yeməklərə yağ əlavə etməmək lazımdır.

Həkimin sözlərinə görə, yağlar müxtəlif çeşidli ola bilər, ancaq zeytun yağına və fındıq yağına daha çox üstünlük verilməlidir. Çünki bunların tərkibində xüsusilə A, E, B1, B2, B6 vitaminlərinin miqdarı yüksəkdir. Bəzi hallarda isə günəbaxan yağı da istifadə oluna bilər: "Nəzərdə saxlamaq lazımdır ki, soyuq sıxma hər zaman daha əhəmiyyətlidir. Bundan əlavə, bitki yağlarının keyfiyyəti onun turşuluq dərəcəsi (acidity-asidite) ilə ölçülür. Yəni, bitki yağının turşuluq dərəcəsi nə qədər az olarsa o qədər keyfiyyətli hesab olunur. Hazırda marketlərdə satılan ən aşağı turşuluqlu 0.5% olan bitki yağlarını tapmaq olar. Salatlara 1 çay qaşığı, 1 kq tərəvəzə 2 yemək qaşığı yağ əlavə olunmalıdır. Təbii ki, istifadə olunan yağlar həddən artıq qaynadılmamalı, gün altında saxlanmamalıdır".