Səhiyyə Nazirliyi, Azərbaycan Tibb Universiteti, Elmi-Tədqiqat Mamalıq və Ginekologiya İnstitutu (ETMGİ) və İctimai Səhiyyə və İslahatlar Mərkəzinin tİSİM) əşkilati, “Uptodate in Medicine” təşkilatının texniki dəstəyi ilə Ümummilli Lider Heydər Əliyevin 100 illiyinə həsr olunmuş mama-ginekologiya, reproduktiv sağlamlıq və qadın sağlamlığı üzrə beynəlxalq konfrans keçirilib.

 

İSİM-dən Aztibb.az-a bildirilib ki, fövqəladə və təxirəsalınmaz hallarda mamalıq yardımının bütün mərhələlərində hamilə qadınlarla praktik işin səmərəliliyinin artırılması, ana ölümünün qarşısının alınması üçün tədbirlər kompleksinin hazırlanması və həyata keçirilməsi, ana və körpə ölümü hallarının qarşısının alınması, yeniyetmələrin reproduktiv sağlamlığının qorunması kimi aktual məsələlər konfransın təşkilində əsas məqsəd idi.

 

Azərbaycanlı mütəxəssislərlə yanaşı, Türkiyə məruzəçilərinin də iştirak etdiyi konfransda ölkəmizin müxtəlif bölgələrindən 150-dən çox mama-ginekoloq və cərrah-ginekoloq, o cümlədən tələbələr və həkim-rezidentlər iştirak ediblər.

 

Tədbirdə ETMGİ-nin direkotoru Cəmilə Qurbanova, Milli Onkologiya Mərkəzinin Onkoginekologiya şöbəsinin müdiri Şəmistan Alıyev, İstanbul Mədəniyyət Universiteti Tibb fakültəsinin Qadın xəstəlikləri və doğum şöbəsinin müdiri Ateş Karateke, Leyla Medical Centerdə fəaliyyət göstərən mama-ginekoloq Natiq Məhərrəmov mövzu üzrə çıxış ediblər.

 

Konfransda qanaxmaya cərrahi yanaşma, hamiləlik zamanı istifadə olunan dərman preparatları, endometrioma cərrahiyyəsinin yumurtalıq rezervinə təsiri, laparoskopik müalicədə myoma uteri və endometrioz, göstərişlər və tövsiyələr, vakalarla ana ölümlərinin qarşısının alınması üçün yanaşmalar kimi mövzular müzakirə olunub.