"Yeni klinika”da Ümummilli Lider Heydər Əliyevin anadan olmasının 100-cü ildönümü münasibətilə Yeni Azərbaycan Partiyasına (YAP) üzv qəbul olunmuş klinika əməkdaşlarına üzvlük vəsiqələri təqdim olunub.

Bu barədə Aztibb.az-a "Yeni klinika"dan məlumat verilib.

Tədbirdə tibb müəssisəsinin direktor vəzifəsini icra edən baş həkim Cavid Paşayev Ümummilli Lider Heydər Əliyevin sədrliyi ilə yaradılan Yeni Azərbaycan Partiyasının ölkəmizin inkişafında mühüm rol oynadığını, partiyaya olan böyük inam və etimadın təzahürü olaraq YAP sıralarına qoşulanların sayının daima artdığını bildirib.

Baş həkim son 6 ay ərzində partiyaya üzv olan klinika əməkdaşlarının sayının 42 nəfərdən 432-yə yüksəldiyini açıqlayıb.

Daha sonra çıxış edən müəssisəsinin Hüquq şöbəsinin müdiri Əliheydər Heydərli dahi lider Heydər Əliyevin siyası mirası olan Yeni Azərbaycan Partiyasının ötən 30 il ərzində nümunəvi, zəngin və şərəfli inkişaf yolu keçdiyini bildirib. O, partiyanın ölkəmizin hərtərəfli inkişafı istiqamətində üzərinə düşən vəzifələri layiqincə yerinə yetirdiyini vurğulayıb.

Sonda “Yeni klinika”da fəaliyyət göstərən əməkdaşlara YAP-ın üzvlük vəsiqələri təqdim olunub.