Sədərək Rayon Mərkəzi Xəstəxanası publik hüquqi şəxsin həkim komissiyası tərəfindən “Heydər Əliyev İli” çərçivəsində Dəmirçi kənd Həkim Ambulatoriyasında humanitar tibbi aksiya keçirilib.

Aztibb.az Naxçıvan Səhiyyə Nazirliyinə istinadla xəbər verir ki, aksiya çərçivəsində ixtisaslı həkim heyəti tərəfindən rayon sakinlərinə kardioloji, terapevtik, lor, pediatrik və cərrahi müayinələr icra olunub.

Hər hansı bir patologiya aşkar olunmuş şəxslər müvafiq xəstəxanalara yönləndirilib.

Aksiyada həkimlər tərəfindən, həmçinin tibbi maarifləndirici məsləhətlər verilib.