Yeni bir araşdırmaya görə, yaşlı insanlarda, xüsusən də yaşlı kişilərdə çəki itirmək ölüm riskini artıra bilər.

Aztibb.az-ın medimagazin.com.tr-yə istinadla məlumatına görə, "JAMA Network Open"də dərc olunan yeni araşdırmada Avstraliyada 70 və daha yuxarı yaşda olan 16 703, ABŞ-da isə 65 və yuxarı yaşda olan 2 411 böyüklər araşdırılıb.

Tədqiqatda deyilir ki, ürək-damar xəstəliyi, demans, fiziki qüsur və ya "həyatı məhdudlaşdıran" xroniki xəstəliyi olmayan iştirakçılar 2010-2014-cü illər arasında müntəzəm müayinə görüşlərində hər il çəkiliblər.

Nəticədə beş faizdən çox yüngül çəki itkisi ilə ölüm arasında "əhəmiyyətli bir əlaqə" tapılıb.

Tədqiqat zamanı çəkisinin 5-10 faizini itirənlərin, müddət ərzində sabit çəki saxlayan kişilərlə müqayisədə ölüm riskinin 33 faiz daha çox olduğu müəyyən edilib.

Çəkisinin 10 faizindən çoxunu itirən kişilərdə ölüm nisbəti isə daha yüksək olub.