Ölkəmizdə 2023-cü ilin “Heydər Əliyev İli” elan edilməsi ilə bağlı Şamaxı Rayon Mərkəzi Xəstəxanasının təşkilatçılığı ilə ucqar kəndlərin sakinləri üçün səyyar müayinələr təşkil olunub.

Xəstəxanadan Aztibb.az-a bildirilib ki, 3-7 aprel tarixlərində Şamaxı rayonunun ucqar kəndlərində baş tutan müayinələrdə tibb müəssisəsinin həkim-terapevtləri və həkim-pediatrları iştirak ediblər.

Ümumilikdə 350 nəfər həkim müayinəsinə cəlb edilib, müayinə edilən 21 nəfərdən müvafiq qan nümunələri götürülüb.

Eyni zamanda, müayinələr zamanı tibb müəssisəsinin əməkdaşları tərəfindən vətəndaşların maarifləndirilməsi də həyata keçirilib. Belə ki, mütəxəssislər ümumilikdə 450 vətəndaşa süd vəzisinin müayinəsinin, peyvəndləmənin önəmləri, sağlam qidalanma və sağlam həyat tərzi mövzularında məlumat veriblər.