ABŞ-ın Milli Əks-Kəşfiyyat və Təhlükəsizlik Mərkəzinin direktoru Uilliam Evanina Rusiya, Çin və İranın ABŞ peyvəndi kimi vaksin yaratmağa çalışdığını söyləyib. 

Aztibb.az-ın www.gazeta.ru-ya istinadən məlumatına görə, direktor Rusiyanın ilk olaraq rəsmi şəkildə “Sputnik V” peyvəndini hazırladığını açıqlasa da, buna inanmadığını ifadə edib: “Bilirsiniz, dünən Rusiya əhalisinin yarısının buna inanmadığı barədə xəbərlər əldə etmişəm. Buna görə də Rusiyanın sözügedən peyvəndi qlobal bazara necə çıxaracaqlarından əmin deyiləm”. 

Onun sözlərinə görə, ittiham etdiyi ölkələr ABŞ peyvəndinin inkişafına dair məlumatları oğurlamağa çalışırlar.

Qeyd edək ki, ABŞ Prezidenti Donald Tramp ölkəsində peyvəndin hələ seçkilərdən sonra hazır olacağını bildirmişdi.