Göygöl Rayon Mərkəzi Xəstəxanasında hemofiliya, talassemiya və digər qan xəstəliklərindən əziyyət çəkən uşaqların qanla təminatına yardım məqsədilə könüllü qanvermə aksiyası keçirilib.

Aztibb.az-a Xəstəxanadan verilən xəbərə görə, aksiya TƏBİB-in və Milli Hematologiya və Transfuziologiya Mərkəzinin Qan Bankının təşəbbüsü ilə təşkil edilib.

Qanvermə aksiyasında Göygöl şəhərində fəaliyyət göstərən idarə, müəssisə və təşkilatların işçiləri, gənclər, ictimaiyyət nümayəndələri könüllü olaraq iştirak ediblər.

Aksiyada Mərkəzi Qan Bankı tərəfindən ezam olunmuş tibb briqadasının həkim-hemotoloqları donorların sağlamlıq durumunu qiymətləndirdikdən sonra onların aksiyada iştirak etmələrinə icazə verilib.

Yığılan qan və onun komponentləri talassemiya, hemofiliya və digər qan xəstəliklərindən əziyyət çəkənlər üçün istifadə olunacaq.