Hospitaldan Aztibb.az-a bildirilib ki, seminar Mərkəzi Gömrük Hospitalında Dövlət Gömrük Komitəsi Tibbi Xidmət İdarəsinin Elmi-Təcrübi Tədris Mərkəzi tərəfindən hazırlanmış Təlim Fəaliyyət Planına uyğun olaraq təşkil edilib.

 

Tədbirdə 2 nömrəli Bakı Baza Tibb kollecinin tələbələri, Könüllü gömrükçü dəstəsinin üzvləri, Tibbi Xidmət İdarəsinin və Mərkəzi Gömrük Hospitalının personalı iştirak edib.

 

Seminarda Dövlət Gömrük Komitəsi Tibbi Xidmət İdarəsinin rəis müavini, t.ü.f.d., dosent İsmayıl Əfəndiyev ilan, əqrəb, hörümçək, həşərat və digər sancmaları, o cümlədən müxtəlif zəhərlənmələrlə bağlı bağlı real təcrübəyə, ən müasir tibbi yeniliklərə və sübutlu təbabətə əsaslanmış məruzə ilə çıxış edib. O, mövzu ilə əlaqəli statistik rəqəmləri diqqətə çatdırıb, kritik klinik hallar barədə nümunələr təqdim edib və auditoriyanı maraqlandıran sualları cavablandırıb.