Tədqiqatlar göstərir ki, göz Alzheimer xəstəliyinin simptomları başlamazdan əvvəl diaqnoz qoyulmasına kömək edə bilər.

Aztibb.az-ın medimagazin.com.tr-yə istinadla məlumatına görə, bu yaxınlarda aparılan bir araşdırma müxtəlif dərəcədə zehni geriləməsi olan 86 insanın torlu qişasının və beyinlərinin toxumalarını izləyib.

Bu, zülal profilləri ilə Alzheimer xəstəliyinin insanın tor qişasına molekulyar, hüceyrə və struktur təsirlərini, bunların beyin və idrak funksiyasındakı dəyişikliklərlə necə üst-üstə düşdüyünü dərindən təhlil edən ilk araşdırmadır.

Tədqiqatçı Maya Koronyo Hamaoui, tor qişadakı dəyişikliklərin beynin yaddaş, naviqasiya və zaman qavrayışı mərkəzi olan entorinal və temporal korteks adlanan hissələrindəki dəyişikliklərlə əlaqəli olduğunu bildirib.