"Həkimlərimizi tanıyaq!" rubrikamızda oxucularaGəncə Şəhər Birləşmiş Xəstəxanasının tabeliyindəki Uşaq xəstəxanasının Poliklinika şöbəsinin müdiri Nazimə Həsənovanı təqdim edirik.
Nazimə Həsənova 18 mart 1970-ci ildə Goranboy rayonu Əzizbəyov kəndində anadan olub. 1988-1994-cü illərdə Azərbaycan Tibb Universitetinin Pediatriya fakültəsində təhsil alıb. Daha sonra internetatura kursu keçən həkim iş fəaliyyətinə Goranboy xəstəxanasında başlayıb və 9 il orada fəaliyyət göstərib. Bir müddət Gəncə şəhərində Uşaq xəstəxanasında sahə həkimi vəzifəsində çalışıb. 2012-ci ildən isə Uşaq xəstəxanasının Poliklinika şöbəsində şöbə müdiri kimi fəaliyyət göstərir.
Nazimə Həsənova həmçinin Gəncə şəhər və Daşkəsən, Kəlbəcər rayonları üzrə zonal uşaq işləri Həkim Məsləhət Komissiyasının sədridir.
