Türkiyədə zəlzələ baş verən ilk gündən etibarən bütün Azərbaycan maddi və mənəvi yardımı ilə yanaşı, çoxsaylı həkimləri ilə də Türkiyənin yanında olub.
Aztibb.az-a klinikadan verilən məlumata görə, bu kampaniyada Azərbaycan Tibb Universitetinin əməkdaşlarının da təmsil olunduğu Azərbaycan Könüllü Həkimlər Assosiasiyası (AKHA) yaxından iştirak edib. Zəlzələ bölgəsində bu assosiasiyanın fəaliyyəti haqqında Azərbaycan Tibb Universitetinin (ATU) Tədris Cərrahiyyə Klinikasında təqdimat keçirilib.
Təqdimatda Kahramanmaraş şəhərində AKHA üzvlərinin Azərbaycanın Fövqəladə Hallar Nazirliyinin təmsilçiləri ilə birlikdə mobil səhra hospitalının qurulmasındakı fəaliyyəti, həkimlərin həyata keçirdiyi digər işlər haqqında məlumat verilib.
Tədbirdə ATU-nun Tədris Cərrahiyyə Klinikasının direktoru Avcil Mücahit Azərbaycan dövlətinin və vətəndaşlarının bu yanaşmasından çox təsirləndiyini bildirərək ümumilikdə türk milləti adından təşəkkürünü çatdırıb.