Mərkəzi Neftçilər Xəstəxanasının yaradıcısı Həsənağa Əliyevin 100 illiyi qeyd edilib
17.03.2023 10:17

Əməkdar həkim, SSRİ-in fəxri neftçisi, Mərkəzi Neftçilər Xəstəxanasının yaradıcısı, professor Həsənağa Əliyevin anadan olmasının 100-cü ildönümü münasibətlə Mərkəzi Neftçilər Xəstəxanasında tədbir keçirilib.

 

Aztibb.az-a Xəstəxanadan verilən xəbərə görə, tədbirdə müəssisənin direktoru Musa Abbasov və digər həkimlər professorun həyat və yaradıcılığı haqqında çıxış edib, onunla bağlı xatirələrini bölüşüblər.

 

Daha sonra xəstəxananın rəhbərliyi və kollektivi professor Həsənağa Əliyevin məzarını ziyarət edib, ruhuna dualar oxuyub, əziz xatirəsini anıblar.


Qeyd edək ki, müharibə illərindən sonra Azərbaycan neft sənayesi böyük sürətlə inkişaf etməyə başladığından neft işçilərinə keyfiyyətli və operativ tibbi yardım göstərilməsi üçün müəssisəyə böyük ehtiyac yaranır. 1951-ci ildə neftçilərin ümumi və peşə xəstəliklərinin müalicəsi işi gənc həkim Həsənağa Əliyevə tapşırılır. Bir müddət sonra H.Əliyev SSRİ Neft Sənayesi Nazirliyində neftçilər üçün xüsusi xəstəxana və poliklinikanın vacibliyi məsələsini qaldırır və 1956-cı ildə onun əzmkarlığı və gərgin zəhməti hesabına neftçilər üçün ilk tibbi profilaktika müəssisəsi istifadəyə verilir. Əvvəlcə Neft kəşfiyyatçılarının birləşmiş xəstəxanası adı altında fəaliyyət göstərsə də, sonralar Mərkəzi Neftçilər Xəstəxanası adlandırılır.

 

1973-cü ildən etibarən MNX-da H.Əliyevin ixtira etdiyi maqnitoterapiya cihazı xəstəxana şəraitində müalicə üçün geniş tətbiq olunmağa başlamışdır.
Həsənağa Əliyevin məsuliyyətli və işdə yorulmaz fəaliyyəti dövlət tərəfindən yüksək qiymətləndirilmiş, o, "Şərəf nişanı”, “Qırmızı Əmək Bayrağı”, “Xalqlar Dostluğu” ordenləri, SSRİ fəxri neftçisi və “Əməkdar həkim” fəxri adına layiq görülmüşdür.

 

O, ömrünün sonunadək Mərkəzi Neftçilər Xəstəxanasının Baş həkimi vəzifəsində işləmişdir.
Həsənağa Novruz oğlu Əliyev 2000-ci il fevralın 20-də vəfat etmişdir.

Səadət Məmmədova
Müəllifin digər yazıları
ÇOX OXUNANLAR
Qaraciyərin düzgün işləməməsinin ƏLAMƏTLƏRİ  
Təbii vasitə 12 həftə ərzində 8 kiloqrama qədər arıqladır
Buğda cücərtisi gənclik iksiri kimi də bilinir
Təcili tibbi yardım briqadasının yardımı ilə 66 yaşlı xəstə Mərkəzi Klinik Xəstəxanaya hospitalizasiya olunub
Şuşa Rayon Mərkəzi Xəstəxanasının ginekoloqu Şəbnəm Baxşəliyeva - Həkimlərimizi tanıyaq!
Şahdamara stend taxıla bilərmi?
Sürətli döyüntünün tək səbəbi ürək deyil!
Masallı Rayon Mərkəzi Xəstəxanasının otorinolarinqoloqu Kamran Musayev - Həkimlərimizi tanıyaq!
Uşaq cərrahı Günel Əmiraslanova Şəkidə Bonum Medicalda pasiyent qəbulu həyata keçirəcək
Böyrək daşı xəstəliyi nədir və necə yaranır?
Regionlarda fəaliyyət göstərən peşəkar səhiyyə işçilərini tanıtmaqda davam edirik!
Ağır vəziyyətdə Respublika Uşaq Klinik Xəstəxanasına yerləşdirilən 2 yaşlı uşaq həyata qaytarılıb
Qastroezofageal reflüks xəstəliyindən əziyyət çəkən pasiyent Diaqnoz Tibb Mərkəzində sağlamlığına qovuşub
Naftalan Şəhər Mərkəzi Xəstəxanasının nevroloqu Təranə Bayramova - Həkimlərimizi tanıyaq!
Ağdaş Rayon Mərkəzi Xəstəxanasının uroloqu Pərviz Nəsirov - Həkimlərimizi tanıyaq!