"YAŞAT" Fondu tərəfindən daha bir qazinin müalicə xərcləri və borc öhdəlikləri qarşılanıb.

Aztibb xəbər verir ki, Fonddan verilən məlumata görə, Elnur Xəlilovun müalicə xərcləri və məişət şəraiti yaxşılaşdırılıb.

1993-cü il təəvəllüdlü qazimiz sentyabrın 27-də Talış-Suqovuşan istiqamətlərində gedən döyüşlərdə ağır yaralanıb. Ona Xocalı Rayon Mərkəzi Xəstəxanasında ilkin yardım göstərildikdən sonra Elnur Xəlilov Naftalan Şəhər Mərkəzi Xəstəxanasına, Mingəçevir Şəhər Mərkəzi Xəstəxanasına, Bakı şəhər Topçubaçov adına Elmi Cərrahiyyə Mərkəzinə, daha sonra isə Müdafiə Nazirliyinin Mərkəzi Hərbi Klinik Hospitalına təxliyyə edilib.

Fond tərəfindən dəstək tədbirləri davam etdirilir.

Qeyd edək ki, Fondun hesabatları və xərclənən vəsaitlərlə bağlı ətraflı məlumatı yashat.gov.az rəsmi internet saytının “Hesabatlar” (https://yashat.gov.az/report/tableau) bölməsindən əldə etmək mümkündür.