"European Heart" jurnalında dərc edilən araşdırmada 2015-2017-ci illərdə Çinin 70 şəhərində yaşayan 258 milyon insanın xəstəxanaya qəbulu ilə bağlı məlumatlar həmin şəhərlərdəki hava keyfiyyəti tendensiyaları ilə müqayisə edilib.

Tədqiqatın nəticələrinə görə, ozonla çirklənmənin ürək xəstəliklərinin artması ilə əlaqəli olduğu qənaətinə gəlinib.

Aztibb.az-ın medimagazin.com.tr-yə istinadla xəbərinə görə, tədqiqatda hər kubmetr havada ozonun miqdarının hər 10 mikroqram artması infarkt üçün xəstəxanaya yerləşdirilənlərin sayının 0,75 faiz, insultun isə 0,4 faiz artması ilə əlaqələndirilib.

Mütəxəssislər bu fərziyyəyə əsaslanaraq, yay aylarında ozonla əlaqəli infarkt nisbətlərinin yüzdə 15, insult nisbətlərinin isə yüzdə 8-ə çata biləcəyini söyləyirlər.

Atmosferin yuxarı qatlarında olan ozon, zərərli ultrabənövşəyi şüaların yer səthinə çatmasının qarşısını almağa kömək edir, eyni zamanda, yer səviyyəsində əksər şəhərləri çirkləndirən tüstünün mühüm tərkib hissəsidir.

Ozon atmosferdə adətən avtomobillər və ya sənaye tərəfindən buraxılan iki çirkləndiricinin günəş işığının iştirakı ilə birləşməsi nəticəsində baş verən kimyəvi reaksiya nəticəsində əmələ gəlir.