"Tənbəl bağırsaq" sindromu, qısaca qəbizlik bir çox insanda tez-tez rast gəlinən haldır. Bu problemin bağırsaq tənbəlliyi və qəbizlik olduğu təhlil və müayinələrdən sonra üzə çıxır.

Aztibb.az xəbər verir ki, bu barədə Xətai Tibb Mərkəzinin həkim-cərrahı Janna Xudaverdiyeva tənbəl bağırsaq sindromundan danışarkən məlumat verib.

Həkim bildirib ki, çox insanın ortaq problemi olan patalogiya qəbizlik, qarında köp, ağırlıq və ağrılar, davamlı baş ağrısı, iştahazsızlıq və ürəkbulanması kimi simptomlarla özünü göstərir. Sözügedən problemdən əziyyət çəkən insanlarda əksərən babasil və analçatı kimi fəsadlar yaranır.

Onun sözlərinə görə, xəstəlik vaxtı orqanizmdəki proseslər və həzm prosesi ləngiyir. Bundan sonra xroniki və çətin müalicə olunan qəbizlik inkişaf edir. Necə adlandırmanızdan asılı olmayaraq bu problem xüsusilə yaşlı və ya zəifləmiş insanlarda, eləcə də yataq xəstələrində baş qaldırır.