2006-cı ildən etibarən bütün dünyada hər il martın ikinci cümə axşamı rəsmi olaraq Dünya Böyrək Günü kimi qeyd edilir.

 

Aztibb.az TƏBİB-ə istinadla xəbər verir ki, TƏBİB-in tabeliyindəki Akademik Mirməmməd Cavadzadə adına Respublika Kliniki Uroloji Xəstəxanasının həkim-uroloqu Nehmət Beyqiyevin sözlərinə görə, böyrək problemi olan xəstələr ən çox böyrək və bel nahiyələrində ağrılar, sidikdə yanma, göynəmə, bəzən sidikdə qan, qızdırma, üşütmə-titrətmə şikayətləri ilə müraciət edirlər.

 

N.Beyqiyev böyrək xəstəliyi olan şəxslər üçün tövsiyələrini də bölüşüb.

 

Qeyd edib ki, gün ərzində bol maye qəbulu, aktiv həyat, artıq bədən çəkisinə nəzarət, sağlam qidalanmaq, meyvə və tərəvəzlərə üstünlük vermək, siqaretdən uzaq durmaq, göstərişsiz dərman qəbuluna və arterial təzyiqə nəzarət etmək olduqca vacibdir.