Azərbaycan Tibb Universitetinin (ATU) Tədris Cərrahiyyə Klinikasında 8 Mart - Beynəlxalq Qadınlar Günü münasibətilə tədbir keçirilib.

Aztibb.az ATU-ya istinadla xəbər verir ki, Tədris Cərrahiyyə Klinikasının direktoru, dosent Mücahit Avcil çıxış edərək Beynəlxalq Qadınlar Gününün tarixi haqqında danışıb.  O, xanımların zəif cins yox, məhz güclü, fədakar təbiətini, milli-mənəvi dəyərlərimizin qorunub saxlanılmasında və nəsildən-nəslə çatdırılmasında xüsusi yerini vurğulayıb. 

Mücahit Avcil  bildirib ki, klinikanın xanım əməkdaşları bundan sonra da öz işlərində əzmkarlıqla çalışacaq, hər kəsi yeni müvəffəqiyyətləri ilə sevindirəcəklər.