Bakı Sağlamlıq Mərkəzinin icraçı direktoru dos. Asiman Həsənovun AĞ Parti Karaman Millət vəkili, Türk Dövlətləri Parlament Assambleyası Ekologiya və Təbii Sərvətlər Komissiyasının sədr müavini Rəcəb Şəkər ilə görüşüb.

Aztibb.az Bakı Sağlamlıq Mərkəzinə istinadla xəbər verir ki, görüşdə Mərkəzdə göstərilən tibbi xidmətlərlə bağlı məlumat verilib, klinikanın şöbələrinə baxış keçirilib.

Həmçinin İ.M.Seçenov adına Birinci Moskva Dövlət Tibb Universitetinin Təlim və Simulyasiya Mərkəzində görülmüş işlərdən danışılıb.

Recep Şəkər Azərbaycanda səhiyyənin idarə olunması, tibb müəssisələrinin maddi-texniki bazasının gücləndirilməsi və digər irimiqyaslı tədbirlərin həyata keçirilməsinin səhiyyənin dünya standartları üzrə inkişafı və onun dünyanın qabaqcıl ölkələrinin səhiyyə sisteminə ardıcıllıqla inteqrasiya edilməsinə zəmin yaradan amillərdən olduğunu vurğulayıb.