Hamiləliyin 28-ci həftəsində vaxtından əvvəl doğuş təhlükəsi ilə Səhiyyə Nazirliyi Elmi-Tədqiqat Mamalıq və Ginekologiya İnstitutuna (ETMGİ) müraciət edən hamilə qadın övladlarına qovuşub.
ETMGİ-dən Aztibb.az-a verilən xəbərə görə, pasiyent Ginekologiya şöbəsinin müdiri, həkim mama-ginekoloq, t.ü.f.d., dosent Fatma Hacıyevanın nəzarətində olub. Müvafiq müayinələrdən sonra ona vəziyyəti ilə əlaqədar olaraq Hamiləliyin patologiyası şöbəsində stasionar müalicə planı təyin olunub.
Hamiləliyin 36-37-ci həftələrində göstəriş olduğundan F.Hacıyeva tərəfindən icra olunan uğurlu qeysəriyyə əməliyyatı ilə əkiz körpələr dünyaya gəlib.
Çəkiləri müvafiq olaraq 2900 və 2770 qram olan kişi cinsli əkizlər heç bir reanimasion tədbirə ehtiyac olmadan fizioloji şöbədə neonatoloq G.Məmmədzadənin stasionar nəzarətindədir. Hazırda yenidoğulmuşların vəziyyəti stabildir.