Oğuz Rayon Mərkəzi Xəstəxanasında 8 Mart - Beynəlxalq Qadınlar Günü münasibəti ilə tədbir keçirilib.

Xəstəxanadan Aztibb.az-a verilən xəbərə görə, tədbirdə Oğuz RMX-nın İnzibati işlər üzrə müavini İradə Məmmədova, Müalicə işləri üzrə müavin - baş həkim Şəlalə Tahirova, tibb və qeyri-tibb işçiləri iştirak ediblər.

Tədbirdə İradə Məmmədova Beynəlxaq Qadınlar Gününün yaranma tarixi haqqında məlumat verərək, qadınları təbrik edib. Bildirib ki, Azərbaycan cəmiyyətində qadının yeri daim uca tutulmuş, ən ali hörmətə, dəyərlərə layiq görülmüşdür. Azərbaycanın dövlət müstəqilliyinin bərpasından sonra onlar ölkənin ictimai-siyasi və sosial-iqtisadi həyatının fəal iştirakçısına çevrilib, təhsil, səhiyyə, elm və mədəniyyət sahələrində çoxsaylı nailiyyətlər qazanıblar.

Daha sonra Şəlalə Tahirova təbriklərə qoşularaq xanım əməkdaşları bu əlamətdar gün münasibətilə ürəkdən təbrik edib, onlara gələcək işlərində uğurlar arzulayıb.