Azərbaycan Tibb Universitetinin (ATU) Tədris Cərrahiyyə Klinikasında (TCK) keçirilmiş növbəti ənənəvi seminarda ATU TCK-nın rezidentlər üzrə məsul şəxsi, Uşaq cərrahlığı kafedrasının assistenti Namiq Xəlilov çıxış edib.

Aztibb.az ATU-ya istinadla xəbər verir ki, N.Xəlilov rezidentlərin bilik və bacarıqlarının artırılmasında bu kimi seminarların əhəmiyyətindən danışıb.

Klinikanın Əməliyyatxana blokunun şöbə müdiri, Anesteziologiya və reanimatologiya kafedrasının assistenti, t.ü.f.d. Namaz İbrahimovun "Şokun etiopatogenezi və diaqnostikası" mövzusunda məruzə ilə çıxış edib. 

N.İbrahimov məruzəsində anestezioloq-reanimotoloqların gündəlik praktikada qarşılaşdığı kritik hallardan, o cümlədən xəstələrdə şok vəziyyəti və onun yaratdığı effektdən söhbət açıb.

Mühazirəçi eyni zamanda şokun yaranma səbəbləri, onun növləri, tətbiq olunan müalicə üsulları və digər məqamlara da toxunub.

N.İbrahimov ona ünvanlanan çoxsaylı sualları cavablandırıb.