Klinikadan Aztibb.az-a verilən məlumata görə, tibb müəssisəsinə “kəskin bağırsaq keçməzliyi, kəskin sidik ləngiməsi” şikayətləri ilə daxil olan pasiyentdə aparılan kompleks müayinələr nəticəsində qarın boşluğunda bütün çanağı tutan və oradan sağrı nahiyəsinə qədər uzanan 20-25 sm ölçüsündə irihəcmli törəmə aşkar olunub.

 

Sidik axarlarına, sidik kisəsinə, yoğun ve düz bağırsağa, magistral damarlara bitişərək sıxışdıran törəmənin götürülməsi üçün pasiyent əməliyyata alınıb.

 

Ümumi cərrahlar Elşən Qədimov, uzman həkim Elçin Əlizadə və anestezioloq-reanimatoloq Lalə Əliyevanın iştirakı ilə baş tutan əməliyyatda törəmənin qonşu orqanlara zərər vermədən xaric edilməsinə nail olunub.

 

Uğurla icra olunan əməliyyatdan bir neçə gün sonra pasiyent ambulator müalicə üçün evə buraxılıb.