1 həftə ərzində vaginal qanaxma müşahidə olunan xəstə ağır vəziyyətdə Səhiyyə Nazirliyinin Elmi-Tədqiqat Mamalıq və Ginekologiya İnstitutuna (ETMGİ) müraciət edib. Həkim-doktorant İsarə Hüseynova tərəfindən konsultasiya olunan pasiyentə aparılan kliniki laborator, ultrasəs müayinələr zamanı uşaqlığın intramural-submukoz mioması aşkarlanıb.

İnstitutdan Aztibb.az-a verilən məlumata görə, xəstəyə hemotransfuziya aparılıb, hemodinamik göstəricilər stabilləşdikdən sonra qadının yaşını nəzərə alaraq, uşaqlıq qorunaraq orqansaxlayıcı əməliyyat olan konservativ miomektomiya əməliyyatı icra olunub. Ağır anemiya fonunda aparılan əməliyyat fəsadsız keçib.

Hazırda pasiyentin vəziyyəti stabildir.